निकै सफल कमेडी टेलिसिरियल टिम ‘सक्किगोनी’ आफ्नो आगामी प्रोजेक्ट ‘लाज शरणम’ लिएर फिल्म निर्माणमा लागेका छन् । वसन्त पञ्चमी पर्वको अवसर पारेर बुधबार थिम पोस्टर सार्वजनिक गर्दै उक्त घोषणा गरिएको हो । चलचित्रको शिर्षकले यो हास्यव्यङ्ग्य कथाको वरिपरि घुम्ने र फिल्मलाई २०८१ सालमा प्रदर्शनको योजना बनाइएको छ ।
पोस्टरमा ‘सक्किगोनी’ मा मुख्य भूमिकामा रहेका कुमार कट्टेल र अर्जुन घिमिरेले चलचित्र निर्देशन गर्ने बताइएको छ । कलाकारको बारेमा कुनै जानकारी दिइएको छैन। कुमार र अर्जुन मुख्य भूमिकामा रहने चर्चा छ भने सिरियलका अन्य कलाकार पनि फिल्मको हिस्सा हुने हल्ला चलिरहेको छ ।